Unîversîteya Îlles Balearsî ya Îspanya de semînerê jîneolojî ameyî kerdene.

Unîversîteya Îlles Balearsî yê Palma de Mallorca yê  herêma xosere ya Girawanê Balearî yê Îspanya de mabênê tarîxanê 1-2ê kanûne de 4 semînerê cîyayî yê jîneolojî ameyî kerdene.

Semînerî pê paştdayîşê Ofîsê Hêzdarkerdişê Hemkarîye yê Unîversîte, çarçeweya  projeyê hemparî yê wezîfedaranê musnayîşî yê unîversîte û Merkezê Cigêrayîşî yê Jîneolojî ameyî kerdene.

Têgêrayîşê Cinîyan ê Kurdan ra Gonul Kaya û Haskar Kirmizigule û Endama Merkezê Cigêrayîşî yê Jîneolojî Clara Torres sey qiseykerdoxan semîneran de ca girewt.

Semîneranê di rojan de perspektîfê tarîxê têgêrayîşê cinîyan ê kurdan ra metodê perwerdeyî yê alternatîfî ameyî destgirewtene. Wezîfedaranê beşanê Felsefe û Perwerdeyê Komelkî yê Unîversîte zî semînerî goştarî kerdî.