6 Sibat, Duşem - 2023
No menu items!
More

    Beştaşe: Ma hetê DBPyî de yê

    Serekwekîla Koma HDPyî Meral Daniş Beştaşe vera destbendkerdişê îdarekaranê DBPyî verê Edlîyeya Amedî de eşkerayîya çapemenîye daye.

    Serekwekîla Koma HDPyî Meral Daniş Beştaşe destbendkerdişê îdarekaranê DBPyî rexne kerd û wina qisey kerd: “Ma hetê DBPyî de yê. Ma do qetî rayîrê xo ra anêgêrê. Ma do hîna bibê pîl.”

    Beştaşe wina vat: “4 rojî nezaret de tepişîyayî. Xeylêk şaristanan de vera DBPyî operasyonê hemwextî ameyî kerdene. Eleqeyê îqtîdarê AKP-MHPyî yê bi nê operasyonî est o. Ê DBPyî ra aciz bîyî. Bê suc û delîlê sucî polîsan eşt bînayanê DBPyî ser. Serdozgerîya Mehkemeya Berze bi kontrolkerdiş û cigêrayîşê partîyanê sîyasîyan mesuldar a. Înan dest nayo erkê Mehkemeya Berze ser. Mehkemeya Berze ya ke binê emrê îqtîdarî de ya, ney rê vengê xo nêkena. Îqtîdarî bi erkê Mehkemeya Berze eşto serê bînayanê partîye.”

    Beştaşe wina dewam kerd: “Ma venga muxalîfan, kesanê demokratan, terefgîranê heqanê merdiman, huqûq û edaletî danê ke DBPyî rayê bi mîlyonan kesan girewtê û partîyêka pîl a kurdan a. Nê operasyonî mojnenê ke Tirkîya de heta ke meseleya kurdan çareser nêba qet yew mesele çareser nêbena. Ma hetê DBPyî de yê; ma heta nika pîya têkoşîn kerd û do reyna pîya têkoşîn bikerê. Ma do qetî rayîrê xo ra anêgêrê. Ma do hîna bibê pîl. Embaz Keskîn her kesî selam keno.”

     

    Beştaşe: Ma hetê DBPyî de yê

    Serekwekîla Koma HDPyî Meral Daniş Beştaşe vera destbendkerdişê îdarekaranê DBPyî verê Edlîyeya Amedî de eşkerayîya çapemenîye daye.

    Serekwekîla Koma HDPyî Meral Daniş Beştaşe destbendkerdişê îdarekaranê DBPyî rexne kerd û wina qisey kerd: “Ma hetê DBPyî de yê. Ma do qetî rayîrê xo ra anêgêrê. Ma do hîna bibê pîl.”

    Beştaşe wina vat: “4 rojî nezaret de tepişîyayî. Xeylêk şaristanan de vera DBPyî operasyonê hemwextî ameyî kerdene. Eleqeyê îqtîdarê AKP-MHPyî yê bi nê operasyonî est o. Ê DBPyî ra aciz bîyî. Bê suc û delîlê sucî polîsan eşt bînayanê DBPyî ser. Serdozgerîya Mehkemeya Berze bi kontrolkerdiş û cigêrayîşê partîyanê sîyasîyan mesuldar a. Înan dest nayo erkê Mehkemeya Berze ser. Mehkemeya Berze ya ke binê emrê îqtîdarî de ya, ney rê vengê xo nêkena. Îqtîdarî bi erkê Mehkemeya Berze eşto serê bînayanê partîye.”

    Beştaşe wina dewam kerd: “Ma venga muxalîfan, kesanê demokratan, terefgîranê heqanê merdiman, huqûq û edaletî danê ke DBPyî rayê bi mîlyonan kesan girewtê û partîyêka pîl a kurdan a. Nê operasyonî mojnenê ke Tirkîya de heta ke meseleya kurdan çareser nêba qet yew mesele çareser nêbena. Ma hetê DBPyî de yê; ma heta nika pîya têkoşîn kerd û do reyna pîya têkoşîn bikerê. Ma do qetî rayîrê xo ra anêgêrê. Ma do hîna bibê pîl. Embaz Keskîn her kesî selam keno.”