30 Îlon 2022, În
No menu items!
More

    Dewleta tirke kiştoxê Apê Musayî pawitî

    Hukmê tirkî dewaya Musa Anterî betalkerde û kiştoxî pawitî.

    Dewaya qetilkerdişê zanîstê kurdî Musa Anterî vizêr rîyê wextvîyartîşî ra ameye betalkerdene. Badê qerarî Komela Heqanê Merdiman a Anqara de eşkerayîya çapemenîye ameye dayene.

    Eşkerayîye de verî Hemserekê Pêroyî yê ÎHDyî Ozturk Turkdoganî qisey kerd. Turkdoganî vat: “Seba ke heqîqat vejîyo werte, kiştoxê Apê Musa û ê xeylêk kesanê bînan verê hukmî de hesab bidê ma têkoşîn kenê la pê nê qerarî kiştoxî ameyî pawitene. Heyetê mehkeme hewteyê verê ma de dewa peyde eşte û bizanayîş tarîxê 21ê êlule de da. Dewleta Komara Tirkîya ewro reyna polîtîkaya bêcezayîye arde ca. Ewro reyna sozê xo nêtepişt û çirey zî nêtepişt. Apê Musa pê cînayetê dewlete ame qetilkerdene. Pê destê dewlete ame qetilkerdene. Çiwext îqtîdaro sîyasîyo demokratîk bêro Tirkîya o wext huqûqo mîyanneteweyî do bêro caardene û qerarê Mehkemeya Heqanê Merdiman a Ewropa bêrê caardene.’’

    Lajê Musa Anterî Dîcle Anterî zî bale ante tarîxê dewa yê 21ê êlule ser û vat: ‘’No tarîx bizanayîş ame vîjnayene. 20ê aşme de kişîyayîşê pîyê mi 30 serre bî û rojêke dima mehkeme qerarê xo da.  Xora ma verî ra zanayenê ke mehkeme do senî qerar bigêro. Hukm bi temamî sey sîyasîyî yeno caardene. Eke hukm xoser bîyayênê ma çîyo winayên nêciwîyayêne. Nê qerarî demokrasî, edalet û huqûq eciqnayî. Edalet û huqûqî derbe girewte. Pîyê mi reya dîyine ame kiştene. Çi heyf ke dewayê bînê ke dewam kenê do ê zî bêrê betalkerdene. Semedê qerarî 5 deqayî mabên dîya la 10 deqayan de qerar ame wendene. Qerar destê înan de amade bî.’’

    Dewleta tirke kiştoxê Apê Musayî pawitî

    Hukmê tirkî dewaya Musa Anterî betalkerde û kiştoxî pawitî.

    Dewaya qetilkerdişê zanîstê kurdî Musa Anterî vizêr rîyê wextvîyartîşî ra ameye betalkerdene. Badê qerarî Komela Heqanê Merdiman a Anqara de eşkerayîya çapemenîye ameye dayene.

    Eşkerayîye de verî Hemserekê Pêroyî yê ÎHDyî Ozturk Turkdoganî qisey kerd. Turkdoganî vat: “Seba ke heqîqat vejîyo werte, kiştoxê Apê Musa û ê xeylêk kesanê bînan verê hukmî de hesab bidê ma têkoşîn kenê la pê nê qerarî kiştoxî ameyî pawitene. Heyetê mehkeme hewteyê verê ma de dewa peyde eşte û bizanayîş tarîxê 21ê êlule de da. Dewleta Komara Tirkîya ewro reyna polîtîkaya bêcezayîye arde ca. Ewro reyna sozê xo nêtepişt û çirey zî nêtepişt. Apê Musa pê cînayetê dewlete ame qetilkerdene. Pê destê dewlete ame qetilkerdene. Çiwext îqtîdaro sîyasîyo demokratîk bêro Tirkîya o wext huqûqo mîyanneteweyî do bêro caardene û qerarê Mehkemeya Heqanê Merdiman a Ewropa bêrê caardene.’’

    Lajê Musa Anterî Dîcle Anterî zî bale ante tarîxê dewa yê 21ê êlule ser û vat: ‘’No tarîx bizanayîş ame vîjnayene. 20ê aşme de kişîyayîşê pîyê mi 30 serre bî û rojêke dima mehkeme qerarê xo da.  Xora ma verî ra zanayenê ke mehkeme do senî qerar bigêro. Hukm bi temamî sey sîyasîyî yeno caardene. Eke hukm xoser bîyayênê ma çîyo winayên nêciwîyayêne. Nê qerarî demokrasî, edalet û huqûq eciqnayî. Edalet û huqûqî derbe girewte. Pîyê mi reya dîyine ame kiştene. Çi heyf ke dewayê bînê ke dewam kenê do ê zî bêrê betalkerdene. Semedê qerarî 5 deqayî mabên dîya la 10 deqayan de qerar ame wendene. Qerar destê înan de amade bî.’’