26 Mijdar, Şemî - 2022
No menu items!
More

    ‘Wa CPT derheqê Îmrali de eşkerayîyêke bido’

    Hemsereka OHDyî ya Stenbolî Avûkate Esra Bîlene vat ke Komîteya Vergirewtişê Îşkenceyî (CPT) eşkena înîsîyatîf bigêra û derheqê Îmrali de eşkerayîyêke bida.

    CPT 2019 ra nata reya verêne şi Îmrali la derheqê zîyaretî de eşkerayîye nêdaye. Hemsereka OHDyî ya Stenbolî Avûkate Esra Bîlene ANFyî rê qisey kerd û pare kerd ke CPT paştîya xo dano esasê nimitişî ser û coka do nêeşko raporî eşkera bikero. Bîlene îfade kerd ke seba ke 2019 ra nata şertî nêvurîyayê rixmo ke Tirkîya destûr nêdana CPT eşkeno înîsîyatîf bigêro û raporî eşkera bikero.

    Bîlene vat: “A raşte ganî Komîte rew ra bişîyêne Îmrali. Xora zîyaretê xo yê verênî de komîte vatbî ke Îmrali de heqê bingeyî yenê binpaykerdene. No tesbît yeno manaya tesbîtê îhlalê qedexeyê îşkenceyî. Axir Komîte Îmrali zîyaret kerd la na safha de zîyaretê Îmraliyî bi xo bes nêkeno. Ganî CPT derheqê zîyaretî de eşkerayîyêke bido. CPT şi Îmrali û dî ke rewşa astengkerdişê têkilîye dewam kena û tecrîd ameyo girankerdene. CPT na safha de eşkena înîsîyatîf bigêra û Tirkîya ra ver eşkerayîyêke bida. Cara zîyaretê 2019î ra dima zî seba ke Tirkîya destûr nêda CPTyî raporê xo eşkera nêkerdbî.

    Tirkîya cewabanê xo de tim vana îşkence zîndanan de çin o. La raporanê ma de û raporanê rêxistinanê bînan de zaf îdîayê îşkenceyî est ê. Cewabê Tirkîya ra zafêr raporê CPTyî û ê dezgeh û rêxistinê edaletî girîng ê.”

    Bîlene bale ante ser ke bi cezayanê dîsîplînî verê pêvînayîşê bi Ocalanî yeno girewtene û vat: “Nê cezayan ra 27ê temmuza 2011î ra heta nika 11 serran de têna 5 reyî avûkatî şîyî pêvînayîşî. 2014 ra heta nika 5 reyî keyeyî şîyê pêvînayîşî. Nê cezayê dîsîplînî yenê manaya astengkerdişê heqanê merdiman. Şertanê Rewşa Îstîsnayîye de zî wina heqê merdiman nênê binpaykerdene. La seke CPTyî ardbî ziwan tecrîd yeno manaya binpaykerdişê qedexeyî. ”

    ‘Wa CPT derheqê Îmrali de eşkerayîyêke bido’

    Hemsereka OHDyî ya Stenbolî Avûkate Esra Bîlene vat ke Komîteya Vergirewtişê Îşkenceyî (CPT) eşkena înîsîyatîf bigêra û derheqê Îmrali de eşkerayîyêke bida.

    CPT 2019 ra nata reya verêne şi Îmrali la derheqê zîyaretî de eşkerayîye nêdaye. Hemsereka OHDyî ya Stenbolî Avûkate Esra Bîlene ANFyî rê qisey kerd û pare kerd ke CPT paştîya xo dano esasê nimitişî ser û coka do nêeşko raporî eşkera bikero. Bîlene îfade kerd ke seba ke 2019 ra nata şertî nêvurîyayê rixmo ke Tirkîya destûr nêdana CPT eşkeno înîsîyatîf bigêro û raporî eşkera bikero.

    Bîlene vat: “A raşte ganî Komîte rew ra bişîyêne Îmrali. Xora zîyaretê xo yê verênî de komîte vatbî ke Îmrali de heqê bingeyî yenê binpaykerdene. No tesbît yeno manaya tesbîtê îhlalê qedexeyê îşkenceyî. Axir Komîte Îmrali zîyaret kerd la na safha de zîyaretê Îmraliyî bi xo bes nêkeno. Ganî CPT derheqê zîyaretî de eşkerayîyêke bido. CPT şi Îmrali û dî ke rewşa astengkerdişê têkilîye dewam kena û tecrîd ameyo girankerdene. CPT na safha de eşkena înîsîyatîf bigêra û Tirkîya ra ver eşkerayîyêke bida. Cara zîyaretê 2019î ra dima zî seba ke Tirkîya destûr nêda CPTyî raporê xo eşkera nêkerdbî.

    Tirkîya cewabanê xo de tim vana îşkence zîndanan de çin o. La raporanê ma de û raporanê rêxistinanê bînan de zaf îdîayê îşkenceyî est ê. Cewabê Tirkîya ra zafêr raporê CPTyî û ê dezgeh û rêxistinê edaletî girîng ê.”

    Bîlene bale ante ser ke bi cezayanê dîsîplînî verê pêvînayîşê bi Ocalanî yeno girewtene û vat: “Nê cezayan ra 27ê temmuza 2011î ra heta nika 11 serran de têna 5 reyî avûkatî şîyî pêvînayîşî. 2014 ra heta nika 5 reyî keyeyî şîyê pêvînayîşî. Nê cezayê dîsîplînî yenê manaya astengkerdişê heqanê merdiman. Şertanê Rewşa Îstîsnayîye de zî wina heqê merdiman nênê binpaykerdene. La seke CPTyî ardbî ziwan tecrîd yeno manaya binpaykerdişê qedexeyî. ”