Xeta boriya petrola xam a BOTAŞ’ê ku di ser Çemê Batmanê re derbas dibe, duh bi şev kûn bû û petrol li nav eraziyan belav bû û tev li avê bû. Li gorî nûçeya ku Ajansa Mezopotammyayê (MA) derbas kiriye, di navbera Bajarokê Giresîra û gundê Mîrzebega de li texma kaneke xîzê boriya petrolê kûn bûye û petrol jê rijiyaye. Ji ber vê yekê vaneyên boriyê hatin girtin.
BOTAŞ’ê têkildarî mijarê daxuyanî da û diyar kir ku petrola ku ji boriyê çûye petrola xam e û îdia kir ku xebata wan a paqijiyê dest pê kiriye.
Walîtiya Êlihê jî têkildarî mijarê daxuyanî da û îdia kir ku ekîbên wan dest xebata pêşîlêgirtina rijandina petrolê û paqijiya wê deverê kirine.