25 Îlon 2022, Yekşem
No menu items!
More

    ‘Vîjnayîş bî nêzdî elewîyî ameyî vîran’

    Parlamentera HDPyî ya Mûşî Gulîstan Kiliç Koçyîgîte Festîvala Bawerî û Xoza ya Mekanê Xizirî de pare kerd ke seba ke vîjnayîş bî nêzdî elewîyî ameyî vîran.

    Qezaya Gimgimî ya Mûşî de Festîvala Bawerî û Xoza ya Mekanê Xizirî ameye kerdene. Parlamentera HDPyî ya Mûşî Gulîstan Kiliç Koçyîgîte û Hemserekê Pêroyî yê DADî Musa Kulu zî tede xeylêk sîyasetmedar û îdarekarê rêxistinanê sîvîlan tewrê festîvale bîyî.

    Roja diyên a festîvale de serê sibayî Gola Hamurpetî de têhetameyîşêk ame kerdene û saetanê şanî de merkezê qeza de bi seyan kesî tewrê konserî bîyî û govende girewte.

    Bi nameyê Komîteya Amadekerdişî ya Festîvale îdarekarê DADî Îmam Balseverî qiseykerdişê akerdişî kerd. Balseverî vat: “Rehberîya bawerîya ma de ma do bi pawitişê esasê yewîya xo ya komelkîye tim hetê demokrasî, seyyewbînîye û edaletî de vinderê. Êyê ke mekananê ma yê ke ma tede îqrar danê teslîmê destan û linganê leyminan benê ma do vera înan de vinderê.”

    Dima ra Hemserekê Pêroyî yê DADî Musa Kuluyî qisey kerd. Kuluyî vat: “Eke nasnameyî reng, ziwan û vîrê xo yê tarîxîyî vînî bikerê merdimîye zî vînî bena. Dinyaya ke merdim pê reng, ziwan û bawerîya xo tede ciwîyeno rind a. Bawerîya ma elewîyan serê di kerrayanê esasan ser o ya. Înan ra yew îqrar o yew zî rizatîye ya.”

    Parlamentera HDPyî Gulîstan Kiliç Koçyîgîte zî vat: “Seba ke vîjnayîş bîyo nêzdî elewîyî ameyî vîran. Cemxaneyanê ma nas nêkenê, domananê ma pê dersa dînîya mecburîye asîmîle kenê; xoza, bawerî û kulturê ma çin hesibnenê û nêşarmîyenê wextê vîjnayîşî benê heskerdoxê elewîyan. Ma malzemeyo sîyasîyî nîyê. Destê xo serê xoza, cemxane, kultur û bawerîya ma ra biancê. Yezîd Kerbale de nêmend, ewro zîhnîyetê ey mazlûman qetil keno.”

    ‘Vîjnayîş bî nêzdî elewîyî ameyî vîran’

    Parlamentera HDPyî ya Mûşî Gulîstan Kiliç Koçyîgîte Festîvala Bawerî û Xoza ya Mekanê Xizirî de pare kerd ke seba ke vîjnayîş bî nêzdî elewîyî ameyî vîran.

    Qezaya Gimgimî ya Mûşî de Festîvala Bawerî û Xoza ya Mekanê Xizirî ameye kerdene. Parlamentera HDPyî ya Mûşî Gulîstan Kiliç Koçyîgîte û Hemserekê Pêroyî yê DADî Musa Kulu zî tede xeylêk sîyasetmedar û îdarekarê rêxistinanê sîvîlan tewrê festîvale bîyî.

    Roja diyên a festîvale de serê sibayî Gola Hamurpetî de têhetameyîşêk ame kerdene û saetanê şanî de merkezê qeza de bi seyan kesî tewrê konserî bîyî û govende girewte.

    Bi nameyê Komîteya Amadekerdişî ya Festîvale îdarekarê DADî Îmam Balseverî qiseykerdişê akerdişî kerd. Balseverî vat: “Rehberîya bawerîya ma de ma do bi pawitişê esasê yewîya xo ya komelkîye tim hetê demokrasî, seyyewbînîye û edaletî de vinderê. Êyê ke mekananê ma yê ke ma tede îqrar danê teslîmê destan û linganê leyminan benê ma do vera înan de vinderê.”

    Dima ra Hemserekê Pêroyî yê DADî Musa Kuluyî qisey kerd. Kuluyî vat: “Eke nasnameyî reng, ziwan û vîrê xo yê tarîxîyî vînî bikerê merdimîye zî vînî bena. Dinyaya ke merdim pê reng, ziwan û bawerîya xo tede ciwîyeno rind a. Bawerîya ma elewîyan serê di kerrayanê esasan ser o ya. Înan ra yew îqrar o yew zî rizatîye ya.”

    Parlamentera HDPyî Gulîstan Kiliç Koçyîgîte zî vat: “Seba ke vîjnayîş bîyo nêzdî elewîyî ameyî vîran. Cemxaneyanê ma nas nêkenê, domananê ma pê dersa dînîya mecburîye asîmîle kenê; xoza, bawerî û kulturê ma çin hesibnenê û nêşarmîyenê wextê vîjnayîşî benê heskerdoxê elewîyan. Ma malzemeyo sîyasîyî nîyê. Destê xo serê xoza, cemxane, kultur û bawerîya ma ra biancê. Yezîd Kerbale de nêmend, ewro zîhnîyetê ey mazlûman qetil keno.”