Tevî biryara bêçalakitiyê ya KCK’ê jî artêşa dewleta tirk ên li dijî qadên HPG’ê yên li Herêma Federe ya Kurdistanê berdewam in. Li gorî nûçeya Ajansa Nûçeyan a Firatê (ANF); dewleta tirk di 27’ê adarê saet di 13.00 û 14.00’an de êrişî qada Sîda ya Herêma Zapê kir.

Hat ragihandin ku dewleta tirk di heman rojê de 17 caran bi çekên giran êrişî Qada Berxwedanê ya Girê FM û herêmên Çemço û Sîda’yê kir.

Hevserokê Konseya Rêveber a KCK’ê Cemîl Bayik piştî erdhejên Mereşê yên di 6’ê sibatê de biryara bêçalakitiyê ragihandibû. Di heman demê de Hevseroka Konseya Rêveber şevê din bo Medya Habarê axivî û da zanîn ku wan biryara xwe ya bêçalakitiyê heta piştî hilbijartinê dirêj kirine.