Şehîdê Parisî xeylêk bajaranê Fransa û Almanya de ameyî vîrardene.

Xeylêk bajaranê Fransa û Almanya de Sakîne Cansize, Fîdan Dogane, Leyla Şaylemeze ê ke 9ê çeleyê 2013yî de û Evîn Goyî, Mîr Perwer û Abdurrahman Kizil ê ke 23ê kanûna 2022yî de paytextê Fransa Paris de ameyî qetilkerdene, bi aktîvîteyanê cîya cîyayan ameyî vîrardene.

Aktîvîteyan de veng dîya Fransa ke wa wird qirkerdişan zî zelal bikero ke verê qirkerdişanê neweyan bêro girewtene. Qiseykerdişan de ame vatene ke kurdî do wayîrê têkoşînê şehîdanê xo vejîyê û waştişanê înan bîyarê ca.