31 Çile, Sêşem - 2023
No menu items!
More

    Rojnemegerîya kurde, Akarsele û Fîncanciye

    Roje çin a ke rojnamegerî nêrî destbendkerdene, kesê ke raştîyan vanî nêrî hedefgirewtene û nêrî kiştene. No hewte yanî 25ê na aşme de 12 rojnamegerî bi hawayêkê teberê merdimîye ameyî destbendkerdene û gefê sereçewtkerdişî bi înan ame wendene. Wextê destbendkerdişê muxabîra Ajansê Mezopotamya Bêrîvan Altane û Mudira Karanê Nuştişî ya Ajansê Mezopotamya Dîren Yurtsevere de polîsan bi înan muameleyê ‘terorîstî’ kerd û nengê cînsî çînayî. Polîsan êlegê zirxinî xora dayî û bi çekanê dergan poz da. Înan waşt ke dorme de famê “ma terorîst tepişt” virazî.

    Altane pêvînayîş de ard ziwan ke a keye de raştê kelemçeyanê peykîyan û îşkenceyî ameye û vat: “Polîsan wextê destbendkerdişî plan kerdbî. Polîsî xeylêk verê berî de mendê û dima ra înan rê êlegî ameyî ardene. Polîsan vat ‘ma do milê to çewt bikerê, ma rê zorîye meveje.’ Înan pê zorîye kerd ke sereyê mi bîyarî war. Gama ke ma rayîr de bîyî, polîsan ra dîmenê destbendkerdişî ameyî waştene.”

    Yurtsevere zî da zanayene ke polîsan waşt pê zorîye mîyanê beyraqanê tirkan de destê ci kelemçekerde fotografanê ci vejê. Aye rê nengî çînayî û tehdît kerde. Yurtsevere vat ke wesayît de hetê polîsan ra raştê nenganê cînsî û tehdîdan ameye. Nêweşxane û taxe de sey terorîstî ameye hedefmojnayene.

    Sew bîna zî rojêk badê destbendkerdişê rojnamegeran Sereka Konseya Merkezê Yewîya Tabîbanê Tirkan (TTB) Şebnem Korur Fîncanci ya ke derheqê şuxilîyayîşê çekanê kîmyewîyan ê dewleta tirke de qisey kerd û sey hedefî amebî mojnayene, ameye destbendkerdene.

    Kurdan û hetê mixalîfan rê vanê ke “yan bimire, yan zî bêveng bibe, bêveng nêmanî zî ma do to çinî bikerî.” No mesaj dîyeno şaro ke azadî û raştîyan dima ra şino. Gelo kesêk qetlîyamê ke yenê kerdiş nêvîneno. Helbet do rojêk no îqtîdar şêro. Kesê ke ewro rayan danî, kabîneyê AKPyî û her dezgehê ci de ca gênî, ci pawenî û mezgê xo teslîmê AKPyî kenî do bi kam cû rîyî biewnî şarî ro?

    Wijdan bi şexsîyetan de çinî yo. Mezg, heya, exlaq, wijdan, kesayet û her çîyê xo teslîmê îqtîdarî kerdî. Sey haşhaşîyan her kuçeyêk de eşkenê gonîya merdimî bi asanî birişnî. Destlêşinî û endamê MÎTî seba qetilkerdişê kurdan şirawîyayî teberê welatî zî. Na dewlete hêzê xo dewletanê ke paştî danî ci ra gêna. Eke wina nêbîyêne, do Iraqî bivatêne “ti senî sînoranê mi de qetlîyam virezenî, nuqtayanê leşkerî virazenî û çekanê kîmyewîyan şuxilnenî.” Eke wina nêbîyêne, do Fransa bivatêne “ti senî sînoranê mi de suîqast virazenî û 3 cinîyan qetil kenî.” Kurdî xo vîr ra nêkenî ke bi yewbîyayîşê pêro welatanê mîyanneteweyîyan Rayberê Şarê Kurdî teslîmê Tirkîya ame kerdene. Menfeatê pêro dewletan û hesabê înan bi yewbînan esto. Coka ra qanûn, heqê merdimîye, demokrasî, qanûnê şerî û xeylê çîyê bînî goreyê prosedurî nê, goreyê rewşe bedelîyenî û goreyê kêfê dewletan yenê caardene.

    Hetêk de şarêk bi kîmyasalî, çekanê kîmyewîyan yeno qetilkerdene û hetê bînî de zî kesê ke xeberanê raştîyan virazenî û raştîya dewlete danê rîyê ci ro yenê destbendkerdene. Aqilmend û kedkarê Tirkîya pêro debîyî zîndanan. Vanê qey ma wina bikerî do raşte bimano ma mezgşiteyan rê. No şar bi asanî nêameyo roja ewroyêne. Xoverdayîşê Seyîd Rizayî, Şêx Seîdî û xeylê serewedarnayîşê kurdan virazîyayî. Têkoşînê înan heta ewro ame û tu îqtîdarêk nêeşka înan çinî bikero.

    Tirkîya hende şerî reyde xo xecelnena ke rewşa şarî nêvînena. Riko zêde hemverê merdimî nê, merdimî çinî keno. AKP şarşûşeveder bîyo, la hayîya ci rewşa xo ra çinî ya.

    Rojnemegerîya kurde, Akarsele û Fîncanciye

    Roje çin a ke rojnamegerî nêrî destbendkerdene, kesê ke raştîyan vanî nêrî hedefgirewtene û nêrî kiştene. No hewte yanî 25ê na aşme de 12 rojnamegerî bi hawayêkê teberê merdimîye ameyî destbendkerdene û gefê sereçewtkerdişî bi înan ame wendene. Wextê destbendkerdişê muxabîra Ajansê Mezopotamya Bêrîvan Altane û Mudira Karanê Nuştişî ya Ajansê Mezopotamya Dîren Yurtsevere de polîsan bi înan muameleyê ‘terorîstî’ kerd û nengê cînsî çînayî. Polîsan êlegê zirxinî xora dayî û bi çekanê dergan poz da. Înan waşt ke dorme de famê “ma terorîst tepişt” virazî.

    Altane pêvînayîş de ard ziwan ke a keye de raştê kelemçeyanê peykîyan û îşkenceyî ameye û vat: “Polîsan wextê destbendkerdişî plan kerdbî. Polîsî xeylêk verê berî de mendê û dima ra înan rê êlegî ameyî ardene. Polîsan vat ‘ma do milê to çewt bikerê, ma rê zorîye meveje.’ Înan pê zorîye kerd ke sereyê mi bîyarî war. Gama ke ma rayîr de bîyî, polîsan ra dîmenê destbendkerdişî ameyî waştene.”

    Yurtsevere zî da zanayene ke polîsan waşt pê zorîye mîyanê beyraqanê tirkan de destê ci kelemçekerde fotografanê ci vejê. Aye rê nengî çînayî û tehdît kerde. Yurtsevere vat ke wesayît de hetê polîsan ra raştê nenganê cînsî û tehdîdan ameye. Nêweşxane û taxe de sey terorîstî ameye hedefmojnayene.

    Sew bîna zî rojêk badê destbendkerdişê rojnamegeran Sereka Konseya Merkezê Yewîya Tabîbanê Tirkan (TTB) Şebnem Korur Fîncanci ya ke derheqê şuxilîyayîşê çekanê kîmyewîyan ê dewleta tirke de qisey kerd û sey hedefî amebî mojnayene, ameye destbendkerdene.

    Kurdan û hetê mixalîfan rê vanê ke “yan bimire, yan zî bêveng bibe, bêveng nêmanî zî ma do to çinî bikerî.” No mesaj dîyeno şaro ke azadî û raştîyan dima ra şino. Gelo kesêk qetlîyamê ke yenê kerdiş nêvîneno. Helbet do rojêk no îqtîdar şêro. Kesê ke ewro rayan danî, kabîneyê AKPyî û her dezgehê ci de ca gênî, ci pawenî û mezgê xo teslîmê AKPyî kenî do bi kam cû rîyî biewnî şarî ro?

    Wijdan bi şexsîyetan de çinî yo. Mezg, heya, exlaq, wijdan, kesayet û her çîyê xo teslîmê îqtîdarî kerdî. Sey haşhaşîyan her kuçeyêk de eşkenê gonîya merdimî bi asanî birişnî. Destlêşinî û endamê MÎTî seba qetilkerdişê kurdan şirawîyayî teberê welatî zî. Na dewlete hêzê xo dewletanê ke paştî danî ci ra gêna. Eke wina nêbîyêne, do Iraqî bivatêne “ti senî sînoranê mi de qetlîyam virezenî, nuqtayanê leşkerî virazenî û çekanê kîmyewîyan şuxilnenî.” Eke wina nêbîyêne, do Fransa bivatêne “ti senî sînoranê mi de suîqast virazenî û 3 cinîyan qetil kenî.” Kurdî xo vîr ra nêkenî ke bi yewbîyayîşê pêro welatanê mîyanneteweyîyan Rayberê Şarê Kurdî teslîmê Tirkîya ame kerdene. Menfeatê pêro dewletan û hesabê înan bi yewbînan esto. Coka ra qanûn, heqê merdimîye, demokrasî, qanûnê şerî û xeylê çîyê bînî goreyê prosedurî nê, goreyê rewşe bedelîyenî û goreyê kêfê dewletan yenê caardene.

    Hetêk de şarêk bi kîmyasalî, çekanê kîmyewîyan yeno qetilkerdene û hetê bînî de zî kesê ke xeberanê raştîyan virazenî û raştîya dewlete danê rîyê ci ro yenê destbendkerdene. Aqilmend û kedkarê Tirkîya pêro debîyî zîndanan. Vanê qey ma wina bikerî do raşte bimano ma mezgşiteyan rê. No şar bi asanî nêameyo roja ewroyêne. Xoverdayîşê Seyîd Rizayî, Şêx Seîdî û xeylê serewedarnayîşê kurdan virazîyayî. Têkoşînê înan heta ewro ame û tu îqtîdarêk nêeşka înan çinî bikero.

    Tirkîya hende şerî reyde xo xecelnena ke rewşa şarî nêvînena. Riko zêde hemverê merdimî nê, merdimî çinî keno. AKP şarşûşeveder bîyo, la hayîya ci rewşa xo ra çinî ya.