Li Amedê ji aliyê komek rojnamegeran Podcast Kurdî bi dirûşma; ‘Guhdarên ezîz, ev der Podcast Kurdî ye!’ dest bi weşanê kir.
Podcast Kurdî dê di weşanên xwe de cih bide nûçe, şîrov, analîz, çand, huner, wêje, muzîk û folklorê. M. Salih Bedirxan û Rabîa Çetîn koordînatoriya giştî ya weşanê dikin. Her wiha Fatoş Yildiz, Roza Sierra û Mevlut Oguz jî wek edîtor bernameyan çêdikin.
Hozan Adar berpirsyariya teknîkî girtiye ser xwe û her wiha di lijneya weşanê ya platformê de Mahmut Bozarslan, Hatîce Kamer û Murat Bayram cih digirin. Kesên bixwazin dikarin bi navnîşanê http://www.podcastkurdi.com/ bernameyan guhdar bikin.