Nepalê ji bo 68 rêwiyên ku di qezaya balafirê de jiyana xwe ji dest dan roja duşemê li hemû Nepalê wekî roja şînê ragihand.

Serokwezîrê Nepalê roja duşemê wekî roja şînê ya neteweyî ragihand, û hikûmetê komîsyonek ji bo lêkolînkirina sedema karesata ketina balafira rêwiyan ava kir.

Tîma lêgerînê li cihê ketina balafirê dan xuyakirin ku hêviyên dîtina kesên rizgarbûyî ji karesata hewayê ya herî xirab kêm bûye. Her wiha da xuyaskirin ku li derdora cihê bûyerê tenê parçeyên laşên mirovan tên dîtin.

Hêjayî gotinê ye ku di encama ketina balafirekê ku doh serê sibehê ji Katmandu ber bi bajarê geştyarî Pokhara ve diçû û 68 rêwî tê de bûn, heta niha kesek ji wan bi saxî nehatiye dîtin.