Erdheja ku navenda wê navçeyên Bazarcix û Elbistan ên Mereşê bû bandora xwe li gelek bajarên Bakurê Kurdistan, Tirkiye û Suriyeyê kir ku di encamê de bi hezaran kesan jiyana xwe ji dest dan û bi deh hezaran kes birîndar bûn, ji bilî wan bi deh hezaran kes di bin sermaya zivistanê de li derve bê nan û av mane.
Li gorî bîlançoyên herî dawî hejmara kesên di erdheja 6’ê Sibatê de jiyana xwe ji dest dane gihişt 39 hezar û 672 kesan û hejmara birîndaran jî gihişt 147 hezar û 943 kesan. Gorî bîlançoyên fermî di encama erdhejê de 17 milyon kesan ziyan dîtine û zêdetirî 20 hezar xanî û avahî hilweşiyane. Her wiha heta niha nêzîkî 180 hezar kes jî bê xanî û avahî li derve mane.