Ji aliyê girtiyên siyasî yên ji doza PKK û PAJK’ê girtî ne, di 27’ê mijdara 2020’an de, bi armanca bidawîkirina tecrîda li ser Rêberê PKK’ê Abdullah Ocalan û binpêkirinên mafên mirovan ên li girtîgehan zêde bûne, dest bi çalakiya greva birçîbûnê ya bêdem û bidorveger kirin. Çalakiya greva birçîbûnê bi koma 33’yemîn, di roja 165’emîn de berdewam dike.

Li Kampa Penaberan a Mexmûrê, jinan di 18’ê kanûna 2020’an de li dijî tecrîdkirina Ocalan çalakiya greva birçîbûnê da destpêkirin. Çalakî  di roja 144’emîn de didome. Bi heman armancê Penaberên ku li Kampa Lavrîo ya Yewnanistanê dijîn jî dest bi çalakiya greva birçîbûnê kirin û çalakî roja 127’emîn de dewam dike.