Di 30’ê tîrmeha 2021’an de li navçeya Meram a Konyayê li dijî malbata Dedeogûllari êrişeje nîjadperest pêk hat û di êrişê de 7 ferdên malbatê li ser hev hatin kuştin.
Wê ji bo qurbaniyên komkujiyê li Konyayê 2 rojan bernameyeke bibîranînê bê lidarxistin.
Bernameya bîranînê wê di 29’ê mehê de dest pê bike û di 30’ê mehê de bi dawî bibe. Di çarçoveya bernameyê de wê destpêkê di 29’ê mehê de mewlûd bê dayîn. Di 30’ê mehê de jî wê qurbaniyên malbata Dedeogûllari li Goristana Saraçoglû ya Konyayê bên bibîranîn.
Herî dawî jî wê li mala malbata Dedeogûllari ku komkujî lê pêk hat bernameyek bê lidarxistin.
Parêzerê malbatê Abdurrahman Karabûlût ku bernameya bîranînê li ser hesabê xwe yê medya sanal parve kir û banga beşdariya bernameyê li gel kir.