Polîsane tirkan nezaret de endamanê TJA rê îşkence kerd.
Sere de Amed de xeylêk şaristanan de derheqê 50 cinîyan de bira destbendkerdişî dîyabî û nînan ra 18 cinîyî ameyî destbendkerdene, dima zî ameyî berdene bi Anqara.
Eşkera bî ke rojêke û nêm nan û awe nêdîyayê cinîyan, polîsan destê cinîyan pey ra kelemçe kerdê. Wexto ke endama TJA Fîgen Ektîye vera îşkenceyî xo ver da zî ci rê îşkence ame kerdene, gijikê ci ame kaşkerdene, polîsan nêngî çînayî pê.
Fîgen Arasa ke qezayê trafîkî de esteyê sereyê ci derzîyabî, rixmê raporanê weşîye zî nezaret de tepişîyaye. Heman wextî de polîsan qestî ra da sereyê Fîgene ke nêweşa Vertigoyî ya. Ame parekerdene ke cinîyêka ke nêweşa kanserî ya û tedawîya kemoterapî vînena zî ameya destbendkerdene.
Dîya zanayene ke polîsî Anqara de binê nameyê ‘sohbetî’ de wazenê cinîyan ra agahîyan bigêrê.