8ê Adare Roja Cinîyan ê Kedkaran a Dinya de Êlih de cinîyêke ameye qetilkerdene.
Êlih de camêrdê bi nameyê Murat Atilganî merhaleyê verdayîşî de Tuba Atilgane (33) bi çeke qetil kerde.
Tuba Atilgane gama ke taxa Tilmerçî de otobuse pawitêne, raştê hêrişî ameye û cayê qewimîyayîşî de dinyaya xo bedilnaye. Wextê hêrişî de kênaya 16 serrîya ke vindegeh de pawitêne, guleyêk zî îsabetê ci kerd. Kênaya ke birîndar bîye, yena tedawîkerdene.
Cenazaya Tuba Atilgane şawîyaye Morgê Nêweşxaneyê Cigêrayîş û Perwerdeyî yê Êlihî û kiştox Murat Atilgan ame destbendkerdene.