Qezaya Licê ya Amedî de roşan de zîyaretê goristanî qedexe bî. Dewleta tirke destûr nêda ke şar şiro goranê merdimanê xo ser.
Vizêr bi wesîleya Roşanê Remezanî qezaya Licê ya Amedî de şaro ke waşt goristananê Sîsê û Çemê Elîkanî zîyaret bikero hetê leşkeranê tirkan ra ame astengkerdene.
Gama ke keyeyî şîyî Goristanê Sîsê yo ke şehîdê Kurdîstanî tede yê leşkeran ê dekewtişê dewe de vindarnayî û vat seba ke Qeymaqemîya Lîcê qedexe kerdo ê nêeşkenê şirê goristan.
Goristanê Sîsê verî zî hetê leşkeranê tirkan ê ke vejîyaybî operasyonî ra amebî texrîbkerdene.