29 Mijdar, Sêşem - 2022
No menu items!
More

    Taksîm de ‘hesabê weçînitişî’ esto

    Hêzanê şerê taybetî yê Tirkîya Taksîm de komployêk organîze kerd. Ê vera komelî gamanê terorîstan erzenê. Weçînitiş her ke nêzdî beno serebûtê winayênî zêdîyenê. Hêzê “nimitkî” amadekarîya şerî kenê

    Caddeyê Îstîklalî yê Taksîmî de 13ê teşrîna peyêne de teqayîşêk qewimîya. 6 merdimî ameyî qetilkerdene û 81 merdimî dirbetin bîyî. Wezîrê karanê zerreyî Suleyman Soyluyî cade nê serebûtî de PKK û YPG sucdar kerd. Mudirîya Pêroyî ya Asayîşî zî eşkerayîyêka winayêne kerde.

    Nêrazîbîyayîşanê verênan mojna ke hukmatê Erdoganî kayê neweyî serûber keno. Hema ke cigêrayîşo bidetay nêamebî kerdene, selahîyetdaranê hukmatî mabênê PKK, YPG û hêrişkare de “têkilîyêke” berarde. Reyna “îllûzyon” ame afernayene. La rûpuşê fêlbazan wextê kilmî ra tepîya gina waro.

    Ame zanayene ke hêrişkare Alham Albashire pê hukmatê Erdoganî wayîra têkilîyêke ya. Telefonê Serekê Qezaya Basa (Güçlükonak) ya Şirnexî ya MHPyî Mehmet Emîn Îlhanî kincê lêşinî vetî orte. Çike goreyê qeydan mabênê Emîn Îlhanî û Albashire de tayê qiseykerdişî bîyî. Dima derheqê hêrişkare de zanayîşê neweyî ameyî girewtene. Na çarçewa de Hemserekê PYDyî Salîh Muslîmî nê eşkerayîyî kerdbî: “Cinîya ke hêriş kerd grûbanê OSOyî reyde wayîra têkilîyan a. Binê beyraqanê grûba Sultan Muradî de fotografê aye estê. Xora bixo kurde nîya.”

    Qankerdişê welatanê rojawanî

    Hukmatê Erdoganî bêguman wazeno vera Rojawanî hêriş bikero. Nê semedî ra ci rê sebebê girdî lazim ê. Birastî rayaumûmîya tirke vera kurdan her tim paştî dana hukmatî. Mixalefet bira vera hêrişan û komployan bêveng maneno. Bi nê hawayî hukmatî bi teqayîşê Taksîmî waşt dînamîkanê zerreyî nê, welatanê rojawanî qan bikero. Îdareyê Anqara waşt têgêrayîşê kurdî çimê Amerîka û welatanê bînan de “terorîze” bikero. Xora key ke teqayîş qewimîya, Suleyman Soyluyî Amerîka zî sucdar kerd û vat ke nê hêrişî de “mesuldarîya” aye esta. Soyluyî ezaya amerîkanijan qebul nêkerd.

    Rojawan Erdoganî nêwazeno

    Seba hêrişkerdişê vera Rojawanî hukmatê tirkî rê qetî tesdîqê hêzanê mîyanneteweyîyan lazim o. Labelê kes nika tawîz nêdano. Çend rojî verî Endonezya de kombîyayîşêkê G-20 bî. Erdogan zî şî uca. Kombîyayîşêk ra dima tayê welatan mîyanê xo de kombîyayîşêko bîn kerd. Tîya de Erdogan nêame dawetkerdene. No reftarê welatanê rojawanî mojneno ke ê polîtîkaya teberî ya Erdoganî tesdîq nêkenê. Ê êdî asmosferê sîyasî yê Tirkîya de Erdoganî nêwazenê. Çike îdareyê Erdoganî hetê ekonomî û sîyasetî ra bawerîye nêdano. Otokrasîyo kanperest hem vernîya Ewropa hem zî Amerîka de astengîyêke yo.

    Tirkîya paca ya

    Bitaybetî têkilîyê ke mabênê Rûsya û Tirkîya de estê seba averşîyayîşê NATOyî gefêko gird o. Putîn û Erdogan yewbînî rê “jestanê muhîman” kenê. Her di dîktatorî seba pawitişê îqtîdarê xo hewcedarê yewbînî yê. Putîn şerê Ukrayna ra dima binê hezanê caardişan de yo. Derûdormeyê ci hetê welatanê rojawanî ra ameyo girewtene. Nê semedî ra Tirkîya seba ey “paca” ya. Putîn wazeno ke xêrê hukmatê Erdoganî nê hêzanê caardişî ra xo bixelisno. Yew zî tayê projeyê Rûsya estê. Mîsal Santralê Enerjî yê Nukleerê Akkuyu seba olîgarşî xeylê girîng o. Key ke no proje qedîya, olîgarkan rê karê girdî ano. Oncîna projeyê gazê xozayî (Cereyano Tirk) girîngîye kirişeno.

    Cêwîyê sîyamî

    Erdogan û Putîn sey “cêwîyanê sîyamî” têgêrenê. Çend aşmî dima Tirkîya de weçînitişî estê. Erdoganî rê qetî “aramîya ekonomîkî” lazim a. Seba ameyoxê xo şerê Rûsya û Ukrayna de “mabênkarîye” keno. Nêwazeno rîyê nê şerî ra enflasyon berz bibo. Çend rojî verî Rûsya eşkera kerd ke a wazena peymana korîdorê teneyî ra vejîya. Hukmatê Erdoganî cade nêrazîbîyayîşê xo mojna û netîce de peymane ameye 4 mengan dergkerdene.

    Taksîm de ‘hesabê weçînitişî’ esto

    Hêzanê şerê taybetî yê Tirkîya Taksîm de komployêk organîze kerd. Ê vera komelî gamanê terorîstan erzenê. Weçînitiş her ke nêzdî beno serebûtê winayênî zêdîyenê. Hêzê “nimitkî” amadekarîya şerî kenê

    Caddeyê Îstîklalî yê Taksîmî de 13ê teşrîna peyêne de teqayîşêk qewimîya. 6 merdimî ameyî qetilkerdene û 81 merdimî dirbetin bîyî. Wezîrê karanê zerreyî Suleyman Soyluyî cade nê serebûtî de PKK û YPG sucdar kerd. Mudirîya Pêroyî ya Asayîşî zî eşkerayîyêka winayêne kerde.

    Nêrazîbîyayîşanê verênan mojna ke hukmatê Erdoganî kayê neweyî serûber keno. Hema ke cigêrayîşo bidetay nêamebî kerdene, selahîyetdaranê hukmatî mabênê PKK, YPG û hêrişkare de “têkilîyêke” berarde. Reyna “îllûzyon” ame afernayene. La rûpuşê fêlbazan wextê kilmî ra tepîya gina waro.

    Ame zanayene ke hêrişkare Alham Albashire pê hukmatê Erdoganî wayîra têkilîyêke ya. Telefonê Serekê Qezaya Basa (Güçlükonak) ya Şirnexî ya MHPyî Mehmet Emîn Îlhanî kincê lêşinî vetî orte. Çike goreyê qeydan mabênê Emîn Îlhanî û Albashire de tayê qiseykerdişî bîyî. Dima derheqê hêrişkare de zanayîşê neweyî ameyî girewtene. Na çarçewa de Hemserekê PYDyî Salîh Muslîmî nê eşkerayîyî kerdbî: “Cinîya ke hêriş kerd grûbanê OSOyî reyde wayîra têkilîyan a. Binê beyraqanê grûba Sultan Muradî de fotografê aye estê. Xora bixo kurde nîya.”

    Qankerdişê welatanê rojawanî

    Hukmatê Erdoganî bêguman wazeno vera Rojawanî hêriş bikero. Nê semedî ra ci rê sebebê girdî lazim ê. Birastî rayaumûmîya tirke vera kurdan her tim paştî dana hukmatî. Mixalefet bira vera hêrişan û komployan bêveng maneno. Bi nê hawayî hukmatî bi teqayîşê Taksîmî waşt dînamîkanê zerreyî nê, welatanê rojawanî qan bikero. Îdareyê Anqara waşt têgêrayîşê kurdî çimê Amerîka û welatanê bînan de “terorîze” bikero. Xora key ke teqayîş qewimîya, Suleyman Soyluyî Amerîka zî sucdar kerd û vat ke nê hêrişî de “mesuldarîya” aye esta. Soyluyî ezaya amerîkanijan qebul nêkerd.

    Rojawan Erdoganî nêwazeno

    Seba hêrişkerdişê vera Rojawanî hukmatê tirkî rê qetî tesdîqê hêzanê mîyanneteweyîyan lazim o. Labelê kes nika tawîz nêdano. Çend rojî verî Endonezya de kombîyayîşêkê G-20 bî. Erdogan zî şî uca. Kombîyayîşêk ra dima tayê welatan mîyanê xo de kombîyayîşêko bîn kerd. Tîya de Erdogan nêame dawetkerdene. No reftarê welatanê rojawanî mojneno ke ê polîtîkaya teberî ya Erdoganî tesdîq nêkenê. Ê êdî asmosferê sîyasî yê Tirkîya de Erdoganî nêwazenê. Çike îdareyê Erdoganî hetê ekonomî û sîyasetî ra bawerîye nêdano. Otokrasîyo kanperest hem vernîya Ewropa hem zî Amerîka de astengîyêke yo.

    Tirkîya paca ya

    Bitaybetî têkilîyê ke mabênê Rûsya û Tirkîya de estê seba averşîyayîşê NATOyî gefêko gird o. Putîn û Erdogan yewbînî rê “jestanê muhîman” kenê. Her di dîktatorî seba pawitişê îqtîdarê xo hewcedarê yewbînî yê. Putîn şerê Ukrayna ra dima binê hezanê caardişan de yo. Derûdormeyê ci hetê welatanê rojawanî ra ameyo girewtene. Nê semedî ra Tirkîya seba ey “paca” ya. Putîn wazeno ke xêrê hukmatê Erdoganî nê hêzanê caardişî ra xo bixelisno. Yew zî tayê projeyê Rûsya estê. Mîsal Santralê Enerjî yê Nukleerê Akkuyu seba olîgarşî xeylê girîng o. Key ke no proje qedîya, olîgarkan rê karê girdî ano. Oncîna projeyê gazê xozayî (Cereyano Tirk) girîngîye kirişeno.

    Cêwîyê sîyamî

    Erdogan û Putîn sey “cêwîyanê sîyamî” têgêrenê. Çend aşmî dima Tirkîya de weçînitişî estê. Erdoganî rê qetî “aramîya ekonomîkî” lazim a. Seba ameyoxê xo şerê Rûsya û Ukrayna de “mabênkarîye” keno. Nêwazeno rîyê nê şerî ra enflasyon berz bibo. Çend rojî verî Rûsya eşkera kerd ke a wazena peymana korîdorê teneyî ra vejîya. Hukmatê Erdoganî cade nêrazîbîyayîşê xo mojna û netîce de peymane ameye 4 mengan dergkerdene.