30 Îlon 2022, În
No menu items!
More

    Qetilkerdişê Jîna Emînî rojawan de yeno şermezarkerdene

    Qetilkerdişê Jîna Emînî Oslo, Toronto û Hamburg de ame şermezarkerdene.

    13ê êlule de cinîya bi nameyê Jîna (Mehsa) Emînî (22) paytextê Îranî Tahran de hetê ‘’polîsanê ehleqî’’ ra ameye tepiştene û pê îşkenceyî ameyî qetilkerdene. A roje ra nata çalakîyê şermezarkerdişî dewam kenê. Vizêr bajarê Hamburgî yê Almanya, bajarê Torontoyî yê Kanada û bajarê Osloyî yê Norveçî de qetilkerdişê Jîna Emînî ameye şermezarkerdene.

    Hamburg de Meclîsê Cinîyan ê Rojbîne verê Konsolosxaneyê Îranî de çalakîyêke organîze kerde. Leyla Kayaya ke bi nameyê meclîsî tîya qisey kerd bale ante polîtîkaya hêrişkare ya Îranî ya ke vera cinîyan yena rayraberdene ser. Kaya vat: ‘’Îran de bitaybetî qetilkerdişê cinîyan ê kurdan bîyo sîstemêkê dewlete. Welatê Ewropa zî vera qirkerdişê cinîyan bêveng memanê. Ma sey Têgêrayîşê Cinîyan ê Kurdan do tim vera kiştoxanê barbaran ê cinîyan xover bidê.’’

    Toronto de zî  hetê Komunê Cinîya Azade ya Sara û Meclîsê Şarê Kurdî ra bi eynî waştişî çalakîyêke ameye kerdene. Cinîyan veng da dezgehanê eleqedaran ê Ewropa ke wa bêveng memanê û derheqê qewimîyayîşî de cigêrayîş bidê destpêkerdene.

    Oslo de zî verê Serseferîya Îranî de semedê paştdayîşê serewedaritişê şarî yê Kurdistanî çalakîyêke ameye kerdene. Bi seyan kesanê ke ameyî têhet qetilkerdişê Jîna Emînî û Şîlêr Resule şermezar kerd.

    Qetilkerdişê Jîna Emînî rojawan de yeno şermezarkerdene

    Qetilkerdişê Jîna Emînî Oslo, Toronto û Hamburg de ame şermezarkerdene.

    13ê êlule de cinîya bi nameyê Jîna (Mehsa) Emînî (22) paytextê Îranî Tahran de hetê ‘’polîsanê ehleqî’’ ra ameye tepiştene û pê îşkenceyî ameyî qetilkerdene. A roje ra nata çalakîyê şermezarkerdişî dewam kenê. Vizêr bajarê Hamburgî yê Almanya, bajarê Torontoyî yê Kanada û bajarê Osloyî yê Norveçî de qetilkerdişê Jîna Emînî ameye şermezarkerdene.

    Hamburg de Meclîsê Cinîyan ê Rojbîne verê Konsolosxaneyê Îranî de çalakîyêke organîze kerde. Leyla Kayaya ke bi nameyê meclîsî tîya qisey kerd bale ante polîtîkaya hêrişkare ya Îranî ya ke vera cinîyan yena rayraberdene ser. Kaya vat: ‘’Îran de bitaybetî qetilkerdişê cinîyan ê kurdan bîyo sîstemêkê dewlete. Welatê Ewropa zî vera qirkerdişê cinîyan bêveng memanê. Ma sey Têgêrayîşê Cinîyan ê Kurdan do tim vera kiştoxanê barbaran ê cinîyan xover bidê.’’

    Toronto de zî  hetê Komunê Cinîya Azade ya Sara û Meclîsê Şarê Kurdî ra bi eynî waştişî çalakîyêke ameye kerdene. Cinîyan veng da dezgehanê eleqedaran ê Ewropa ke wa bêveng memanê û derheqê qewimîyayîşî de cigêrayîş bidê destpêkerdene.

    Oslo de zî verê Serseferîya Îranî de semedê paştdayîşê serewedaritişê şarî yê Kurdistanî çalakîyêke ameye kerdene. Bi seyan kesanê ke ameyî têhet qetilkerdişê Jîna Emînî û Şîlêr Resule şermezar kerd.