25 Îlon 2022, Yekşem
No menu items!
More

    OPCW vera Tirkîya bêveng o

    Endamê KNKyî Adem Uzunî tewirê OPCWyî yê vera polîtîkaya leşkere ya Tirkîya rexne kerd û wina qisey kerd: “Îdîayê xeylêk cidîyî estê, dîmenî estê, çalakîyê protestoyî estê. La OPCW tênêgêreno.”

    14ê nîsana 2022yî ra nata dewleta tirke Zap, Metîna û Avaşîn de vera gerîlayan her tewirê çekanê kîmyewîyan, bombaya nuklere û gazê qedexekerdeyî şuxilnena. Rêxistina Qedexekerdişê Çekanê Kîmyewîyan (OPCW) vera dewleta tirke bêveng a.

    Endamê Kongreya Neteweyîye ya Kurdistanî (KNK) Adem Uzunî derheqê babete de ANFyî rê qisey kerd.

    Uzunî vist vîrî ke goreyê serra vîyarte 2022 de dewleta tirke şuxilnayîşê çeka kîmyewîye zaf zêdînayo û vat: “Çapemenîya mîyanneteweye xeylêk reyî babete viste rojdem la heyf ke enstîtuyê ke ganî cigêrayîşî bikerê erkê xo nêanê ca. Keyeyanê gerîlayanê ke pê çeka kîmyewîye şehîd bîyê, bi desan mektubî şawitî dezgehanê erkdaran, dewletan û dezgehan. Cewab nêdîyeno nê mektuban. Tena Almanya vat ‘Hayîya ma pê îdîayan esta. La OPCWyî delîlêk nêvisto destî.’ Brîtanya zî heman çî vato.

    OPCWyî delîlê tay kesan û dezgehanê xoseran qebul nêkerdê. Done û parçeyê ke herême ra ameyê nêameyê qebulkerdene. Komê xebate û komîsyonî zî seba cigêrayîşî nêerşawîyenê herême. Seba ke OPCW herême de cigêrayîşan bikero asta dewlete de waştiş ganî bêro kerdene. Îdîayê xeylêk cidîyî estê, dîmenî estê, çalakîyê protestoyî estê. La OPCW tênêgêreno. No hem manîpulekerdişê rayaumûmîye hem zî nêşinasnayîşê qanûn û krîteran o. OPCW de temsîlkarê 193 dewletan estê. Nê dewletî û OPCW tênêgêrenê. Yanî ê krîteranê xo binpay kenê.”

    Adem Uzunî bale ante raporanê serê hêrişanê kîmyewîyan û vat: “Tirkîya sey endamêka NATOyî nêeşkena çekanê qedexekerdeyan bişuxilna. Çekê ke Tirkîya vera herême şuxilnena, sey bombayanê Nagasakî û Hîroşîma tesîr kenê. Rixmê hendeyê delîl û îsbatan zî qet yew endamêkê NATOyî vera hêrişanê kîmyewîyan ê dewleta tirke nêrazîbîyayîşê xo nêmojneno. No zî stratejîya NATOyî ya. NATO sûcanê şerî yê endamanê xo paweno, wexto ke endamêkê ci çekanê kîmyewîyan şuxilneno û qanûnan binpay keno zî NATO endamê xo paweno.”

    OPCW vera Tirkîya bêveng o

    Endamê KNKyî Adem Uzunî tewirê OPCWyî yê vera polîtîkaya leşkere ya Tirkîya rexne kerd û wina qisey kerd: “Îdîayê xeylêk cidîyî estê, dîmenî estê, çalakîyê protestoyî estê. La OPCW tênêgêreno.”

    14ê nîsana 2022yî ra nata dewleta tirke Zap, Metîna û Avaşîn de vera gerîlayan her tewirê çekanê kîmyewîyan, bombaya nuklere û gazê qedexekerdeyî şuxilnena. Rêxistina Qedexekerdişê Çekanê Kîmyewîyan (OPCW) vera dewleta tirke bêveng a.

    Endamê Kongreya Neteweyîye ya Kurdistanî (KNK) Adem Uzunî derheqê babete de ANFyî rê qisey kerd.

    Uzunî vist vîrî ke goreyê serra vîyarte 2022 de dewleta tirke şuxilnayîşê çeka kîmyewîye zaf zêdînayo û vat: “Çapemenîya mîyanneteweye xeylêk reyî babete viste rojdem la heyf ke enstîtuyê ke ganî cigêrayîşî bikerê erkê xo nêanê ca. Keyeyanê gerîlayanê ke pê çeka kîmyewîye şehîd bîyê, bi desan mektubî şawitî dezgehanê erkdaran, dewletan û dezgehan. Cewab nêdîyeno nê mektuban. Tena Almanya vat ‘Hayîya ma pê îdîayan esta. La OPCWyî delîlêk nêvisto destî.’ Brîtanya zî heman çî vato.

    OPCWyî delîlê tay kesan û dezgehanê xoseran qebul nêkerdê. Done û parçeyê ke herême ra ameyê nêameyê qebulkerdene. Komê xebate û komîsyonî zî seba cigêrayîşî nêerşawîyenê herême. Seba ke OPCW herême de cigêrayîşan bikero asta dewlete de waştiş ganî bêro kerdene. Îdîayê xeylêk cidîyî estê, dîmenî estê, çalakîyê protestoyî estê. La OPCW tênêgêreno. No hem manîpulekerdişê rayaumûmîye hem zî nêşinasnayîşê qanûn û krîteran o. OPCW de temsîlkarê 193 dewletan estê. Nê dewletî û OPCW tênêgêrenê. Yanî ê krîteranê xo binpay kenê.”

    Adem Uzunî bale ante raporanê serê hêrişanê kîmyewîyan û vat: “Tirkîya sey endamêka NATOyî nêeşkena çekanê qedexekerdeyan bişuxilna. Çekê ke Tirkîya vera herême şuxilnena, sey bombayanê Nagasakî û Hîroşîma tesîr kenê. Rixmê hendeyê delîl û îsbatan zî qet yew endamêkê NATOyî vera hêrişanê kîmyewîyan ê dewleta tirke nêrazîbîyayîşê xo nêmojneno. No zî stratejîya NATOyî ya. NATO sûcanê şerî yê endamanê xo paweno, wexto ke endamêkê ci çekanê kîmyewîyan şuxilneno û qanûnan binpay keno zî NATO endamê xo paweno.”