30 Îlon 2022, În
No menu items!
More

    ‘Dinya dejê êzidîyan rê çimanê xo gêna’

    Rojnamegerê amerîkayijî Michael Rubinî nuşteyê xo yê The Washington Examinerî de vat ke dinya dejê ezidîyan rê çimanê xo gêna û wina nuşt: “Êzidîyî kampan de dej anjenê, Barzanîyî Los Angeles, McLean, Paris, Londra û Dubai de bi ercê des mîlyonan mal-milk herînenê.”

    Rojnamegerê amerîkayijî Michael Rubinî nuşteyê xo yê The Washington Examinerî de bi sernameyê “Recep Tayyip Erdogan û Mesud Barzanî êzidîyan rê tezmînat deyndar ê” meqaleyêke nuşte.

    Rubinî vist vîrî ke hêrişê DAIŞî yê vera Başûrê Kurdistanî heşt serrî xo dima verdayî û vat: “Semedê komelanê êzidîyan ê Şingalî travma dewam kena. Dewleta îslamî çîyo ke herêmî nêbî. Paştîdayîşê Tirkîya ke nêbîyêne nika dewleta îslamî çînêbî. Serekkomarê tirkî Recep Tayyip Erdoganî sebebanê îdeolojîkan ra keyêko dihet kay kerd.

    Lajê Barzanî Mesrur zî berpirsîyar o. Barzanîyî Mesrur ard sereyê îstîhbaratê kurdî. Mesrurî semedê bêvengkerdişê komelê sîvîlî çimeyî şuxulnayî. Dewleta îslamî xelet wende. Êzidîyan wina nêkerd. Verê hêrişê dewleta îslamî Barzanî ra semedê pawitişê herra xo hetkarî waşte. Ey no red kerd. Dima ra semedê pawitişê herra xo çeke waşte. Barzanîyî reyna red kerd. Gama ke dewleta îslamî ver bi erdê êzidîyan kewt rayîr, Barzanîyî pêşmergeyî peyser antî û êzidîyê bê çeke qederê ci rê caverdayî. Tena kurdanê ke êzidîyî pawitî û semede xelisnayîşê înan yew koridor akerd kurdê pabesteyê Partîya Karkeran ê Kurdistanî bîyî.”

    Rojnameger Rubinî nuşteyê xo rê wina dewam kerd: “Barzanîyî nika zî êzidîyan mexdûr kenê. Hêzê Mesrurî êzidîyan kampan de tepişenê û destûr nêdanê ke agêrê herra ke Barzanîyî wazenê bidiznê. Barzanîyî bi hemkarîya Tirkîya waranê êzidîyan ê ke newe ra ameyî înşakerdene, dane bombayan ver ke mesele çareser bikerê. Dinya dejê êzidîyan rê çimanê xo gêna. Êzidîyî kampan de dej anjenê, Barzanîyî Los Angeles, McLean, Paris, Londra û Dubai de bi ercê des mîlyonan mal-milk herînenê. Erdogan qesrêke înşa keno ke hîris qatî Qesra Sipî ra gird a. Wextê ci yo ke êzidîyî Erdogan û Barzanîyî ra tezmînat biwazê.”

     

    ‘Dinya dejê êzidîyan rê çimanê xo gêna’

    Rojnamegerê amerîkayijî Michael Rubinî nuşteyê xo yê The Washington Examinerî de vat ke dinya dejê ezidîyan rê çimanê xo gêna û wina nuşt: “Êzidîyî kampan de dej anjenê, Barzanîyî Los Angeles, McLean, Paris, Londra û Dubai de bi ercê des mîlyonan mal-milk herînenê.”

    Rojnamegerê amerîkayijî Michael Rubinî nuşteyê xo yê The Washington Examinerî de bi sernameyê “Recep Tayyip Erdogan û Mesud Barzanî êzidîyan rê tezmînat deyndar ê” meqaleyêke nuşte.

    Rubinî vist vîrî ke hêrişê DAIŞî yê vera Başûrê Kurdistanî heşt serrî xo dima verdayî û vat: “Semedê komelanê êzidîyan ê Şingalî travma dewam kena. Dewleta îslamî çîyo ke herêmî nêbî. Paştîdayîşê Tirkîya ke nêbîyêne nika dewleta îslamî çînêbî. Serekkomarê tirkî Recep Tayyip Erdoganî sebebanê îdeolojîkan ra keyêko dihet kay kerd.

    Lajê Barzanî Mesrur zî berpirsîyar o. Barzanîyî Mesrur ard sereyê îstîhbaratê kurdî. Mesrurî semedê bêvengkerdişê komelê sîvîlî çimeyî şuxulnayî. Dewleta îslamî xelet wende. Êzidîyan wina nêkerd. Verê hêrişê dewleta îslamî Barzanî ra semedê pawitişê herra xo hetkarî waşte. Ey no red kerd. Dima ra semedê pawitişê herra xo çeke waşte. Barzanîyî reyna red kerd. Gama ke dewleta îslamî ver bi erdê êzidîyan kewt rayîr, Barzanîyî pêşmergeyî peyser antî û êzidîyê bê çeke qederê ci rê caverdayî. Tena kurdanê ke êzidîyî pawitî û semede xelisnayîşê înan yew koridor akerd kurdê pabesteyê Partîya Karkeran ê Kurdistanî bîyî.”

    Rojnameger Rubinî nuşteyê xo rê wina dewam kerd: “Barzanîyî nika zî êzidîyan mexdûr kenê. Hêzê Mesrurî êzidîyan kampan de tepişenê û destûr nêdanê ke agêrê herra ke Barzanîyî wazenê bidiznê. Barzanîyî bi hemkarîya Tirkîya waranê êzidîyan ê ke newe ra ameyî înşakerdene, dane bombayan ver ke mesele çareser bikerê. Dinya dejê êzidîyan rê çimanê xo gêna. Êzidîyî kampan de dej anjenê, Barzanîyî Los Angeles, McLean, Paris, Londra û Dubai de bi ercê des mîlyonan mal-milk herînenê. Erdogan qesrêke înşa keno ke hîris qatî Qesra Sipî ra gird a. Wextê ci yo ke êzidîyî Erdogan û Barzanîyî ra tezmînat biwazê.”