26 Mijdar, Şemî - 2022
No menu items!
More

    Cinîyî wayîrê cuya xo vejîyenê

    Dinya de 25ê Teşrîna Peyêne Roja Têkoşînê Vera Şîdetê Serê Cinîyan nêzdî bena. Zaf cayan de cinîyî vejîyayî kuçeyan û vera şîdetî nêrazîbîyayîşê xo mojnenê.

    Meclîsê Cinîyan ê HDKyî seba 25ê Teşrîna Peyêne Kadikoy de eşkerayîye daye û wina vat: “Ma wayîrê nasname, beden, heq û cuyanê xo vejîyenê. Wa biciwîyo têkoşînê ma yê azadîye.”

    Meclîsê Cinîyan ê HDKyî çarçewa çalakîyanê 25ê Teşrîna Peyêne Roja Têkoşînê Vera Şîdetê Serê Cinîyan de Kadikoy de eşkerayîye daye. Parlamanterê HDPyî Züleyha Gulume, Dilşat Canbaz Kaya û cinîyê femînîstî tewrê çalakîye bîyî.

    Didem Acabe ya ke eşkerayîye wende vat têkoşînê azadîye yê cinîyan wayanê Mirabelan ra heta Nagîhan Akarsele û Jîna Emînî sînor nasnêkeno û dewam keno.

    Acabeye vat: “Ma vanê ‘Paştdayîşê Cinîyan Sînor Nasnêkeno’ û  gijikê Jîna û qelema heqîqetî ya Nagîhane pê tarîxê azadîye yê cinîyan kenê yew û pê slogana  “Jin, Jiyan, Azadî”  ya ke her cayê dinya de bena berze, kenê qîrayîşê serewedaritişî. Îqtîdaro faşîst ê AKP-MHPyî pê qanûnan şîdetê vera cinîyan keno meşrû. Ma do pê têkoşînî nê polîtîkayanê hêrişkaran betal bikerê. Îqtîdarê ke semedê menfeatê xo her qeyde şîdet, bêhuqûqîye, zur û rijnayîşî meşrû vînenî ma do vera înan kuçeyan û waran cameverdê. Ma wayîrê nasname, beden, heq û cuyanê xo vejîyenê. Wa biciwîyo têkoşînê ma yê azadîye. Jin, Jiyan, Azadî!”

    Cinîyî wayîrê cuya xo vejîyenê

    Dinya de 25ê Teşrîna Peyêne Roja Têkoşînê Vera Şîdetê Serê Cinîyan nêzdî bena. Zaf cayan de cinîyî vejîyayî kuçeyan û vera şîdetî nêrazîbîyayîşê xo mojnenê.

    Meclîsê Cinîyan ê HDKyî seba 25ê Teşrîna Peyêne Kadikoy de eşkerayîye daye û wina vat: “Ma wayîrê nasname, beden, heq û cuyanê xo vejîyenê. Wa biciwîyo têkoşînê ma yê azadîye.”

    Meclîsê Cinîyan ê HDKyî çarçewa çalakîyanê 25ê Teşrîna Peyêne Roja Têkoşînê Vera Şîdetê Serê Cinîyan de Kadikoy de eşkerayîye daye. Parlamanterê HDPyî Züleyha Gulume, Dilşat Canbaz Kaya û cinîyê femînîstî tewrê çalakîye bîyî.

    Didem Acabe ya ke eşkerayîye wende vat têkoşînê azadîye yê cinîyan wayanê Mirabelan ra heta Nagîhan Akarsele û Jîna Emînî sînor nasnêkeno û dewam keno.

    Acabeye vat: “Ma vanê ‘Paştdayîşê Cinîyan Sînor Nasnêkeno’ û  gijikê Jîna û qelema heqîqetî ya Nagîhane pê tarîxê azadîye yê cinîyan kenê yew û pê slogana  “Jin, Jiyan, Azadî”  ya ke her cayê dinya de bena berze, kenê qîrayîşê serewedaritişî. Îqtîdaro faşîst ê AKP-MHPyî pê qanûnan şîdetê vera cinîyan keno meşrû. Ma do pê têkoşînî nê polîtîkayanê hêrişkaran betal bikerê. Îqtîdarê ke semedê menfeatê xo her qeyde şîdet, bêhuqûqîye, zur û rijnayîşî meşrû vînenî ma do vera înan kuçeyan û waran cameverdê. Ma wayîrê nasname, beden, heq û cuyanê xo vejîyenê. Wa biciwîyo têkoşînê ma yê azadîye. Jin, Jiyan, Azadî!”